La Cassa federala da pensiun PUBLICA è ina instituziun da prevenziun independenta da dretg public. Ella è organisada en in collectiv dad actualmain 20 cassas da prevenziun. PUBLICA assista circa 64‘000 persunas assicuradas e circa 42‘000 persunas che retiran ina renta da l’administraziun federala, dal sectur da las Scolas politecnicas federalas e dad ulteriuras unitads d’administraziun decentralisadas sco er da circa 70 organisaziuns che stattan en ina stretga relaziun cun la Confederaziun u ch’adempleschan incumbensas publicas da la Confederaziun, d’in chantun u d’ina vischnanca. Cun ina summa da bilantscha dad actualmain circa 38 milliardas francs è PUBLICA ina da las pli grondas cassas da pensiun da la Svizra. L’organ directiv suprem da PUBLICA è la Cumissiun da la cassa.